Compteur visite

421940
Users Today : 348

COMPTEUR

421936
Users Today : 348

Translate:

janvier 27, 2023

Le Tout au Pluriel Magazine

Magazine Socio-Culturel

Ayiti/Edikasyon : Rantre lekòl la pou ane akademik 2022-2023 pa klè di tou pou moun nan depatman Sid la pou divès rezon sa yo:

2 min read

Écrit par
Maitre Jean Milaire Thimothé

1- Anpil paran pa ko retire kanè pitit yo nan direksyon lekòl pou ane akademik 2021-2022 akoz pwoblèm lajan. Yo pa menm konnen si pitit yo pase pou ale nan klas siperyè. Si paran yo pa ko ka retire kanè pitit yo nan direksyon lekòl yo Nou pa wè kòman yo pral prepare rantre lekòl la.

2- Frè eskolè yo pou ane sa vrèman ogmante. Anpil paran ap plenyen pou jan frè yo ogmante.

3- Gen 7200 fanmiy kap viv nan 24 abri pwovizwa nan depatman Sid la depi aprè tranblemann tè 14 dawou 2021. Yo pa jwenn okenn èd ak asistans Leta alòske premye minis Ariel Henry te anonse 600 milyon dola ameriken pou rekonstwiksyon gran Sid la. 1 an aprè pa gen anyen ki fèt.

4- Yon galon gazolin ap vann pou 1000 goud malgre sa ou pa ka jwenn li. Lè’w resi jwenn li se nan tanpri souple. Paran yo pap ka jwenn gazol pou mete nan machin yo oubyen motosiklèt yo pou mennen pitit yo lekòl. Taksi menm byen chè. Tikè avyon soti Okay pou ale Pòtoprens tèt nèg.

5- Nou bezwen plis pase 140 goud pou yon dola ameriken. Goud la pèdi tout valè li devan dola ameriken an.

6- Nou gen yon to enflasyon a 2 chif sa vle di 29%. Pouvwa dacha popilasyon an vrèman diminye. Mizè ap pete fyèl popilasyon an.

7- Yon sak diri ap vann 700 dola ht nan depatman Sid la. Popilasyon an gen yon move pèsepsyon de komèsan Okay yo. Nou pa ko wè kòman komèsan yo pral kase pèsepsyon sa.

8- Yon sak siman ap vann 270 dola ou 280 dola ht. Yon ba fè pou 250 dola ht. Mache nwa ap taye banda nan depatman Sid la. Kòm konsekans, popilasyon an apovri.

Si Leta pa di yon mo pou moun yo nan depatman Sid la, rantre lekòl ap vrèman difisil pou ane sa. Nou menm kòm fòs pwogresis ak avangadis nan depatman Sid la, nap toujou pran swen pou atire atansyon Leta sou pwoblèm popilasyon an.

Écrit par
Maitre Jean Milaire Thimothé

LE 7 AOÛT 2022

TOUS DROITS RÉSERVÉS harryesmichel344@gmail.com téléphone 50948438136

LE TOUT AU PLURIEL MAGAZINE NOUS SOMMES VOS YEUX ET VOS OREILLES…

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

Translate »