SOSYETE : 12 JANVIER 2010 – 12 JANVIER 2023. DEVOIR DE MÉMOIRE : NOUS ÉTIONS PLUS D’UN MILLION D’ÂMES AU CHAMPS DE MARS PENDANT 3 JOURS DE PRIÈRE, DE RÉCONFORT ET D’ESPOIR.

12 janvye, nou pap janm bliye

Douz janvye de mil dis, jou malè, tribilasyon
Jou la penn ak soufrans, jou rekonsilyasyon

Jou antant nan mitan tout aysyen isi ba
Pat gen ni moun an wo, ni moun an ba

Ni pòv, ni rich, ni wouj, ni nwa, ni blan
Ni katotik, ni pwotestan, ni vodouizan,

Pat gen bèl otèl, bèl kay, bèl plaj, bèl machin
Pat gen pitit Petion, ak pitit Desalin

Pat gen lavalas, makout, ni tèt kale ou Miki
Te genyen moun, te genyen yon sèl pèp ini

Yon sel pèp ki tap rele yon sèl Bondye vivan
Yon Bondye san koulè, san relijyon, san lajan

Se te yon pèp ini, Ki t ap domi leve, nan la ri,
Manje anba dra, tout klas melanje te reyini

Te gen anpil lanmou ki te blayi nan tout kè
La bank pat louvri, lajan pat sovè, li pat gen valè

Sak vivan tap ede frè ak sè anba dekonb
Nou kriye ansanm sila yo ki te antere san tonb.

   Tèks sa Ekri Pa 
Mireille B. Lhérisson 

Via son groupe WhatsApp.

  13 Janvier 2023

TOUT DWA REZÈVE

Harrysmichel344@gmail.com téléphone
509 48438136.

LE TOUT AU PLURIEL MAGAZINE
NOU SE ZYE AK ZÒRÈY OU.