Compteur visite

421792
Users Today : 200

COMPTEUR

421788
Users Today : 200

Translate:

janvier 27, 2023

Le Tout au Pluriel Magazine

Magazine Socio-Culturel

SOSYETE : OMAJ Byen Mérite A Mikaben

4 min read

Ayiti Se  MikaBen

Ayiti se Mikaben. Tout Ayiti se Michael Benjamin, alyas Mikaben. Mika, w ale nou pap janm bliye w. Samdi 15 oktòb 2022, Paris, kapital peyi la France, nan Accor Arena, ou t ap briye nan Carimi. Vwa w nan Carimi te bay fanatik yo zèl, zèl ki pou bwote tout meloman ale lwen byen lwen sou souf akò nan Akò Arena ak amoni. Epi, se te dènye fwa nou t ap pral wè w Mika. Se te dènye fwa vwa w te pral vlope nou nan Carimi, nan konsè kote foul la te swaf tande vwa w. Mika, 41 ane, tonbe sou sèn. Arè kadyak. Mika, se te yon bèl atis ki te konn chante ak tout nanm li menm jan ak papa l, Lionel Benjamin. Mika, se yon atis ki te renmen peyi l. Mika, tout Ayiti se Mikaben. Nou vle chante avè w, chante sa k ap monte nan tèt nou menm jan ak yon im nasyonal : Ayiti se. Nan kè tout fanatik, nan kè tout moun ki sansib, ki renmen Ayiti, n ap chante.

Le tout au pluriel magazine via lenouvelliste.com

[Vèsè1]

Ayiti se bèl lanmè, se bèl montay ak bèl rivyè
Se bèl plaj ak pye kokoye
Bèl peyisaj ak bèl koulè

Ayiti se sant kafe k’ap monte nan nen m le maten
Se sant lawouze k fèk poze
Pou flè dizè ka boujonnen
Ayti se Basen ble, Kaskad Pichon avèk Sodo
Se Akaden, La Sitadèl, se Labadi ak Marigo
Ayiti se Lavale, se Pòsali ak Zabriko
Se mòn Lasèl, Pik Makaya

Se Mamlad ak mòn Pil Bowo
Ayiti s’on dous makòs, se yon ponyen pistach griye
S’on ji kole ki pou banm fòs
S’on boutèy kola byen glase
Ayiti s’on bon griyo, s’on bon fritay, on bon taso
S’on bon legim avèk sirik, s’on bon diri avèk lalo
Ayiti s’on bon bouyon, s’on soup joumou ak tout piman

S’on bon kasav avèk manba
Ou ka tranpe nan akasan
Ayiti s’on bon donmbwèy k’ap marinen n’on bon sòs pwa
S’on bwa kockon, on bon kleren
Ayiti s’on bon Kafe diswa
[Chorus 2x]
Ayiti cheri pou jan mwen renmen w
Mwen vin depose ti kè mwen nan men w

Ayiti cheri pou jan m’adore w
Pa gen anyen k’ap jan m fè mwen kite w
[Verse 2]
Ayiti s’on bèl mizik, s’on bann a pye, s’on twoubadou
S’on son kata seremoni, yon son kwachi, yon son tanbou
Ayiti se tè ogou, se tè zansèt kite pou nou

Se la lesklavaj t’aboli
S’on tè libète ak vodou
Ayiti se festival, se ti sourit, se fèt chanpèt
S’animasyon nan Kanaval
Se yon ti zil k pa janm frèt
Ayiti se yon bezig, s’on domino, s’on bon twasèt
S’on reveyon kote ki gen bouyon

Se la k gen kenbe tèt
Ayiti se yon konbit peyizan kap sèkle latè
Se ti machann yo kap desann
Pou y’al goumen ak lavi chè
Ayiti se timoun yo k’ap reve de yon bèl avni
Se dlo rigòl la k’ap desann
Pa konn kote l pral ateri

Ayiti se anba tant lan depi apre 12 janvye
Se labou k lev’on move sant chak lè on ti lapli fin tonbe
Ayiti se sou beton’an pou konn « La vrai Réalité »
Se youn ki tris mwen gras a Dye
Se pa li sel man n’ka chante
[Chorus 2x]

Ayiti cheri pou jan mwen renmen w
Mwen vin depose ti kè mwen nan men w
Ayiti cheri pou jan m’adore w
Pa gen anyen k’ap jan m fè mwen kite w
[Verse 3]
Ayiti se yon manman ki konn sa yo rele doulè
On fanm ki djanm, on fanm vanyan

Menm si l konnen li pa parfè
Ayiti se yon bèl fanm ki menm si l pase anpli mizè
Li toujou f’on jan l renje kò l
Pou tout piti li toujou fyè
Ayiti se tout bagay sa yo ki fè ke nou renmen w
E menm si wout la long konnen n’ap toujou la pou n kenbe men w

Ayiti cheri w mèt kwè m
Pa gen anyen k’ap fè m kite w
M ap toujou la pou ou cheri
Kite mizik sa dòlote w
Pap janm Kite w
Michael Benjamin

Ayiti Se  MikaBen

Sal Redaksyon Jounal Le tout au pluriel magazine
Se avèk anpil tristès nou aprann nouvèl lanmò atis Mikaben nan peyi la France nankad yon gran konsè kote li tap patisipe avèk gwoup Carimi sal Redaksyon Jounal Le tout au pluriel magazine voye senpati li bay tout fanmi ak zanmi Mikaben ki touche pa gwo pèd sila ka bondye bay li pran ke nonl beni ale anpè Mikaben sal Redaksyon Jounal Le tout au pluriel magazine harry espoir Michel pdg le tout au pluriel magazine.

16 Octobre 2022

Tout Dwa Rezève
Harrysmichel344@gmail.com téléphone 50948438136.

LE TOUT AU PLURIEL MAGAZINE NOU SE ZYE AK ZÒRÈY OU.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

Translate »